கிருமி

06/09/2012

சிறுபான்மையினருக்கு காவடி தூக்கும் அரசுகள்

http://www.maalaimalar.com/2012/08/21112008/meganthi-rumor-spread-from-sms.html

சமீபத்தில் ரம்ஜானுக்கு சற்று முன் ஒரு மெகந்தி வதந்தி பரவியது. மருதாணி வைக்கும் போது ஒவ்வாமை ஏற்படுவதாகவும் சிலர் இறந்து விட்டதாகவும் வதந்தி பரவியது. இறுதியில் காவல்துறை வதந்தியை பரப்பியவரைக் கண்டு பிடித்தது. அவர் ஒரு முஸ்லீம் இளம்பெண்ணாம், ரம்ஜான் சமயத்தில் அவரைக் கைது செய்வது அவர்களைப் புண்படுத்தும் என்று ரம்ஜான் கழித்து அவர் மீது நடவடிக்கை எடுக்கலாம் என்று காவல்துறை பொறுத்துக் கொண்டிருக்க முடிவு செய்ததாம்.

செய்திகளைப் பார்த்தால், வதந்தியைப் பரப்பியது ஒரு முஸ்லீம் பெண் என்று மட்டும் செய்திகள் வந்தன. அவர் எந்த ஊர், இடம், பெயர் போன்ற எந்த விவரங்களும் இல்லை. ஏன்? சிறுபான்மையினர் தவறு செய்தால், அவர்களின் ஜனநாயக உரிமைகளைப் பாதுகாக்கும் முறைகளில் இதுவும் ஒன்றா என்ன?

வதந்தியைப் பரப்பியது ஒரு முஸ்லீம் பெண் என்று தெரியவரும் முன், இஸ்லாமியர்களின் புனித ரமலான் கொண்டாட்டங்களை சீர்குலைக்க திட்டமிட்டு விஷமிகள் வதந்தியைப் பரப்புவதாக ஒரு எச்சிக்கலைக் கும்பல் இன்னொரு வதந்தியைக் கிளப்பியது.

ஒரு கேள்வி.

இந்துக்கள் கொண்டாடும் தீபாவளிப் பண்டிகை இரவன்று மட்டும் பத்து மணிக்கு மேல் பட்டாசு வெடிக்கக் கூடாது என்று கட்டுப்படுத்துகிறது காவல் துறை, நீதிமன்ற உத்தரவாம். தீபாவளி அன்று ஒரு இந்து இரவு பத்து மணிக்கு மேல் பட்டாசு வெடித்தால் தீபாவளி கொண்டாட்டம் முடியட்டும் நாளை வந்து விசாரிக்கிறோம் என்று போகுமா காவல் துறை? ஒரு இந்து பட்டாசு வெடிப்பது மகிழ்ச்சியை வெளிப்படுத்தவே. ஆனால் ஒரு முஸ்லீம் வேண்டுமென்றே வதந்தியைப் பரப்பியதற்கு கூட நடவடிக்கை எடுக்க அஞ்சுகிறது காவல் துறை.

இது தான் ஜனநாயகமாம், இது தான் மதச்சார்பின்மையாம், இப்படித்தான் சிறுபான்மையினரின் நலனைப் பாதுகாக்க வேண்டுமாம்.

தூத்தேறி.

Advertisements

14/08/2012

தமிழக அரசு இணைய தளங்கள் தனியார் கையில்!

டி.என்.பி.எஸ்.சி. இணையதளம் முழுவதும் ஆங்கிலத்திலேயே இருக்கிறதே. சரி தமிழ் வடிவம் என்று உள்ளதே அதை சொடுக்குவோம் என்று சொடுக்கினால் http://www.concerninfotech.com/tnpsc/tamilversion/index.html என்று ஏதோ ஒரு தனியார் நிறுவனத்தின் தளத்தின் (ஹோஸ்டிங்) கணக்கிலுள்ள ஒரு ஃபோல்டருக்கு செல்கிறது. தமிழ் தளம் முழுவதும் அந்த தனியார் நிறுவனத்தின் வெப்முகவரியிலிருந்தே இயங்குகிறது. இதை விட கேவலம் என்ன இருக்க முடியும்?

தளத்தை தனியார் தான் நிர்வாகம் செய்கிறார்கள் போலிருக்கிறது. இவ்வளவு பெரிய அரசு இயந்திரம் இருந்தென்ன பயன், அரசின் முக்கியமான இணையதளங்களைக் கூட அரசினால் பராமரிக்க இயலவில்லை, வெட்கக்கேடு.

அனைத்து அதிகாரபூர்வமான இணையதளங்களையும் நடுவண் அரசின் நேஷனல் இன்ஃபர்மேட்டிக்ஸ் மையம் தான் பராமரித்து வருவதாக இதுவரை எண்ணியிருந்தேன். ஆனால் நிலை அதுவல்ல போலும்.

இப்படி தனியாரிடம் இணையதளங்களை விட்டு வைத்தால் எவ்வளவோ தகவல் திருட்டுகள் நடக்க வாய்ப்பிருக்கிறது.
ஒரு சிறு உதாரணம். சுமார் 12 லட்சம் பேர் குரூப் 4 தேர்வு எழுதினார்கள், அவர்களின் முழு முகவரி, மின்னஞ்சல் முகவரி அனைத்தும் இம்மி பிசகாமல் எடுத்து அந்த தகவல்தொகுப்பை (data) விற்கலாம். மேலும் இந்த விவரங்கள் துல்லியமானவை. இந்த முகவரிகள் எத்தனையோ பேருக்கு பயன்படும். தேர்வுகளுக்கு பயிற்சி அளிக்கும் புற்றீசல் பயிற்சிப்பள்ளிகளுக்கு இவை அல்வா போல.

வேலையற்ற பட்டதாரிகளை இனங்கண்டு டி.என்.பி.எஸ்.சி. தரகர்கள் போல யாராவது அவர்களை அணுகி பேரம் பேசி ஏமாற்றவும் கூட இது பயன்படும். காலம் கடந்த பின் தான் நம் அரசுகளுக்கு அறிவு வரும் போல.

வேர்ட்பிரஸ்.காம் இல் வலைப்பதிவு.

%d bloggers like this: